ԿԱՐԵՎՈՐ: Խնդրում ենք կարդալ և մանրամասն ծանոթանալ ստորև ներկայացված պայմաններին
Մուտք գործելով կայք Դուք համաձայնում եք ներքոնշյալ պայմաններին և դրույթներին: Հորդորում ենք ուշադիր կարդալ դրանք: Եթե համաձայն չեք ստորև ներկայացրած պայմաններին և դրույթներին, խնդրում ենք մուտք չգործել կայք կամ կայքի առանձին էջեր: Fastex-ը Web3-ով առաջնորդվող էկոհամակարգ է, որն առաջարկում է տեխնոլոգիական տարբեր լուծումներ ներառյալ հասանելիություն վիրտուալ արժեքների շուկա: Վիրտուալ արժեքների միջոցով իրականացվող գործարքները չեն կարգավորվում ՀՀ կողմից, իսկ վիրտուալ արժեքները բարձր ռիսկային գործիքներ են: Օգտատերերը, վիրտուալ արժեքներ ձեռք բերելիս կամ դրանցով գործարքներ իրականացնելիս, գործում են սեփական ռիսկով: fastex.com կայքում առաջարկվող ծառայությունները որևէ կերպ ՀՀ օրենսդրությամբ նախատեսված ներդրումային, արժույթի փոխանակման կամ վճարահաշվարկային ծառայություններ չեն հանդիսանում: Կայքում տեղ գտած տեղեկատվությունը, պատկերները, կանխատեսումները կրում են տեղեկատվական բնույթ և տրամադրում են կազմակերպության գործունեության վերաբերյալ ընդհանուր տեղեկատվություն: Վերջինները չեն կարող դիտարկվել որպես որևէ ներդրումային ֆոնդում կամ արժեթղթում ներդրում կատարելու առաջարկ, խորհրդատվություն կամ դրդում: Օգտատիրոջ կողմից վիրտուալ արժեք ձեռք բերելու վերաբերյալ որոշում կայացնելու համար անհրաժեշտ ամբողջական տեղեկատվություն, ներառյալ՝ հնարավոր ռիսկերի վերաբերյալ տեղեկատվություն, կայքում առկա չէ: Կայքում տեղադրված տեղեկատվությունը և նյութերը չեն կրում խորհրդատվական բնույթ, չեն հանդիսանում իրավաբանական կամ ներդրումների հետ կապված խորհրդատվություն: Մուտք գործելով կայք, Դուք համաձայնում եք, որ Fastex-ը որևէ պատասխանատվություն չի կրում կայքում առկա տեղեկատվության հիման վրա Ձեր կողմից ձեռնարկված որևէ գործողության կամ որևէ կայացրած որոշման համար: Ձեր հասանելիությունը կայքին ենթակա է ՀՀ օրենսդրությամբ նախատեսված պահանջների համապատասխանության: Օգտատերերը միանձնյա պարտավորություն են կրում ՀՀ-ում գործող օրենսդրության և կարագավորումների պահանջների պահպանման և որևէ որոշում կայացնելուց առաջ իրավական կամ ֆինանսական խորհրդատուներին դիմելու համար: Նախկինում ձեռք բերված փորձը և հաջողությունները որևէ կերպ չեն երաշխավորում դրական արդյունքներ: Բոլոր վիրտուալ արժույթները և դրանցով կատարվող գործարքները ենթադրում են բարձր ռիսկ, ներառյալ՝ կապիտալի ամբողջական կորուստի հնարավորություն: Վիրտուալ արժույթի շուկայական արժեքը կարող է նվազել՝ պայմանավորված մի շարք հանգամանքներով, ներառյալ՝ անբարենպաստ տնտեսական և շուկայական պայմաններ և իրական կամ ենթադրյալ անբարենպաստ մրցակցային պայմաններ:
![7937-diversify-your-crypto-portfolio-17044428694175.jpg](https://www.fastex.com/fs/userFiles-v2/fastex-18748580/images/7937-diversify-your-crypto-portfolio-17044428694175.webp)
Ինչպե՞ս դիվերսիֆիկացնել Ձեր կրիպտոարժութային պորտֆոլիոն
Լավ կրիպտոարժութային պորտֆոլիոյի ստեղծումը կենսական նշանակություն ունի շուկայի տատանումների պայմաններում։ Եւ “լավ” ասելով մենք նկատի ունենք “դիվերսիֆիկացված”։ Որպեսզի ներդրումները եկամտաբեր լինեն՝ անհրաժեշտ է մանրակրկիտ պլանավորում և գնահատում։ Այս հոդվածում Դուք կիմանաք այն մասին, թե ինչպես կարող եք դիվերսիֆիկացնել Ձեր կրիպտոարժութային պորտֆելը։
Նախ մենք կդիտարկենք կրիպտոարժույթների զանազան տեսակներ՝ կայացած տեսակներից մինչև նորահայտներ, ու կբացատրենք, թե դրանցից յուրաքանչյուրն ինչ դեր կարող է խաղալ Ձեր ներդրումային ռազմավարության մեջ։ Այս ուղեցույցը հագեցած է ձեր պորտֆելի հավասարակշռման վերաբերյալ գործնական խորհուրդներով՝ անկախ նրանից, թե Դուք ձգտում եք կայունության հասնել խոշոր կապիտալիզացիայի կրիպտոների միջոցով, թե աճի հնարավորություններ եք փնտրում ալտքոյնների և թոքենների մեջ:
Ի՞նչ է կրիպտոարժութային պորտֆոլիոն
Կրիպտոարժութային պորտֆոլիոն իրենից ներկայացնում է ներդրումային ռազմավարության շրջանակում ֆիզիկական կամ իրավաբանական անձի ունեցած տարբեր կրիպտոարժույթների հանրագումարը։
Կրիպտոարժութային պորտֆոլիոն կրիպտոակտիվների ամբողջականությունն է, որն ընդգրկում է տարբեր թվային արժույթներ (օր՝ Bitcoin կամ Ethereum) ալթքոյններ (Fasttoken), սթեյբլքոյններ և գործառնական թոքեններ։ Պորտֆոլիոյում յուրաքանչյուր ակտիվ նպաստում է ներդրողի ընդհանուր ֆինանսական նպատակների իրագործմանը, ռիսկերը կլանելու ունակությանը և ներդրումային ռազմավարությանը։ Կրիպտոարժութային պորտֆոլիոյի կազմը կարող է տարբեր լինել՝ ըստ ներդրողի նպատակների, շուկայի վերլուծության և կրիպտոարժութային շուկայի փոփոխական բնույթի հանդեպ արձագանքի։ Կրիպտոարժութային պորտֆոլիոյի կառավարումը ենթադրում է կանոնավոր գնահատում, վերաբալանսավորում և շտկում՝ շուկայում կատարվող փոփոխություններին և անձնական ներդրումային նպատակներին համապատասխան։
Կրիպտոարժույթների տեսակները
Կրիպտոարժութային պորտֆոլիոն ստեղծելուց առաջ կարևոր է ծանոթանալ կրիպտոքոյների տարբեր տեսակներին, որոնք կօգնեն ապահովել հավասարակշռություն և իրագործել Ձեր ֆինանսական նպատակները։ Եկեք դիտարկենք կրիպտոարժույթների տարածված տեսակները․
- Բիթքոյն (BTC)․ Լինելով առաջին կրիպտոարժույթը՝ բիթքոյնը ճանաչվել է խնայողությունների թվային միջոց և միատեսակ գործարքների միջոց։ Այն գործում է ապակենտրոնացված բլոկչեյնում և հայտնի է իր թափանցիկության և անվտանգության համար։ BTC-ը, որը հաճախ են համեմատում “թվային ոսկու” հետ, խնայողությունների և փոխանակման հուսալի միջոցի դեր է կատարում։
- Ալթքոյն․ Այս կատեգորիան Բիթքոյնից բացի ներառում է նաև այլ կրիպտոարժույթներ, ինչպիսիք են օրինակ Լայթքոյնը (LTC), Ֆասթթոքենը (FTN) և այլն։ Յուրաքանչյուր ալթքոյն ունի իր առանձնահատկություններն ու աճի ներուժը։
- Սթեյբլքոյներ․ Սրանք թվային արժույթներ են, որոնք նախատեսված են կայուն արժեք պահպանելու համար և հաճախ կցված են ավանդական ակտիվների, օրինակ ֆիատի։ Սթեյբլքոյներից են օրինակ USDT-ը և USDC-ը։
- Գործառնական թոքեններ․ Այս թոքենները որոշակի գործառույթներ են կատարում որևէ նախագծի կամ էկոհամակարգի շրջանակում։ Դրանցից են օրինակ ներխաղային արժույթները, հավատարմության պարգևատրությունները կամ մասնակցությունը ապակենտրոնացված կառավարմանը՝ Ապակենտրոնացված ինքնավար կազմակերպություններում քվեարկելու միջոցով (DAOs).
- Անվտանգության թոքեններ․ ներկայացնելով իրական աշխարհի ակտիվները, օրինակ բաժնետոմսեր կամ անշարժ գույք, անվտանգության թոքենները թոքենիզացվում են բլոկչեյնում և ունեն կարգավորման շրջանակները։
- DeFi թոքեններ․ Լինելով կենտրոնական DeFi էկոհամակարգում, այս թոքեններն սպասարկում են ապակենտրոնացված բորսաներին, վարկավորման հարթակներին և այլ ֆինանսական ծառայություններին։ DeFi թոքենների օրինակներից են UNI-ն, որը գտնվում է Uniswap-ում։
- Ոչ փոխարկելի թոքեններ (NFT): NFT-ները եզակի թվային ակտիվներ են, որոնք իրենցից ներկայացնում են կոնկրետ իրի կամ արվեստի գործի սեփականության իրավունքը։ Դրանք փոխանակման ենթակա չեն և կարող են գործածվել եզակի իրերի կամ արվեստի գործերի սեփականության իրավունքը նվիրելու համար։
Կրիպտոարժութային պորտֆոլիո պահելու ձևերը
Տարբեր են լինում ոչ միայն կրիպտոարժույթները, այլև դրանք պահելու ձևերը։ Յուրաքանչյուր մեթոդ ունի իր առավելություններն ու թերությունները՝ անվտանգության, հարմարության և հասանելիության առումով, և այս գործոնները հավասարակշռելու համար ներդրողները հաճախ համադրում են այս մեթոդները՝ իրենց ներդրումային ռազմավարության և ռիսկերը կլանելու ունակության համապատասխան։
- Սարքավորումային դրամապանակներ․ Այս դրամապանակներում արտաքին սարքավորումների, օրինակ USB դրայվերի վրա, օֆլայն վիճակում պահվում են Ձեր անձնական կոդերը։ Սա համարվում է կրիպտոակտիվներ պահելու ամենաանվտանգ տարբերակը, որը իդեալական է երկարաժամկետ պահման համար։
- Ծրագրային դրամապանակներ․ ներբեռնվելով համակարգիչների կամ սմարթֆոնների վրա՝ այս դրամապանակները հարմար են հասանելիության եւ գործածման տեսակետից։ Դրանք նույնքան անվտանգ չեն, որքան սարքավորումային դրամապանակները, պատճառն ինտերնետային կապն է, ինչը խոցելի է դարձնում դրանք առցանց սպառնալիքների հանդեպ։
- Ամպային դրամապանակներ․ Այս առցանց կրիպտոարժութային դրամապանակները հասանելի են ցանկացած սարքից և տեղանքից։ Դրանք առաջարկում են հարմարավետություն բայց ավելի բարձր ռիսկ են պարունակում, քանի որ անձնական բանալիները պահվում են առցանց և երբեմն էլ վեևահսկվում են երրորդ անձանց կողմից։ Վերահսկելի (non- custodial) ամպային դրամապանակներն ապահովում են ավելի մեծ անվտանգություն, քանի որ ծառայության մատակարարը չի կարող մուտք գործել Ձեր բանալիներ։
- Թղթային դրամապանակներ․ Լինելով կրիպտոարժույթների պահման օֆլայն տարբերակ՝ թղթային դրամապանակները Ձեր հանրային և մասնավոր բանալիների ֆիզիկական կրկնօրինակներն են։ Սակայն հիմա այդ դրամապանակներն առհասարակ խորհուրդ չեն տրվում ռիսկայնության պատճառով, հաշվի առնելով նաև ավելի ապահով և հարմար պահոցների առկայությունը։
- Բորսայական հաշիվներ․ Բազմաթիվ ներդրողներ իրենց կրիպտոարժույթը պահում են հենց բորսաներում։ Չնայած սա հարմար է թրեյդինգի համար, բայց նվազ ապահով է, քանի որ բորսան վերահսկում է մասնավոր բանալիները, իսկ ակտիվներն էլ խոցելի են լինում ցանցահենության կամ խափանումների հանդեպ։
Ի՞նչ է լավ դիվերսիֆիկացված կրիպտոարժութային պորտֆոլիոն
Լավ դիվերսիֆիկացված ներդրումային պորտֆոլիոն այն պորտֆոլիոն է, որտեղ ռիսկերը արդյունավետորեն բաշխված են տարբեր ակտիվների, սեկտորների և ներդրումների տեսակների միջև, ինչը հնարավորություն է տալիս մեղմել կրիպտոարժութային շուկային բնորոշ անկայունության ազդեցությունը։ Եկեք դիտարկենք կրիպտոարժութային պորտֆոլիոյի դիվերսիֆիկացման տարբեր միջոցներ.
Դիվերսիֆիկացում ըստ քոյների եւ թոքենների
- Խոշոր կապիտալիզացիայով կրիպտոարժույթներ․ ներդրումներ կայացած քոյներում, օրինակ Բիթքոյնում և Եթերիումում, որոնք ամուր դիրքեր ունեն կրիպտոտիրույթում։
- Միջին եւ փոքր կապիտալիզացիայով կրիպտոարժույթներ․ ներառյալ ավելի փոքր կամ նոր կրիպտոարժույթները, որոնք առաջարկում են աճի ավելի բարձր ներուժ, չնայած նաև ավելի բարձր ռիսկեր են պարունակում։
- Այլ․ ներառյալ վճարային թոքենների, անվտանգության թոքենների, գործառնական թոքենների, կառավարման թոքենների և NFT-ների համադրությունը, որոնցից յուրաքանչյուրն իր բացառիկ գործառույթն ունի կրիպտոարժութային էկոհամակարգում։
Դիվերսիֆիկացում ըստ ոլորտների
- Բլոկչեյնային լուծումներ ըստ ոլորտների․ Ներդրումներ կրիպտոարժույթներում և բլոկչեյնային նախագծերում, որոնք հասցեագրված են տարբեր ոլորտների, օրինակ առողջապահությանը, մատակարարման շղթային, տրանսպորտին, ժամանցին և կլիմայական փոփոխություններին։
- Նորարարական բլոկչեյն հարթակներ եւ ծառայություններ․ ներդրումներ նորահայտ բլոկչեյն հարթակներում և ծառայություններում, որոնք դրսևորում են աճի ներուժ։
Դիվերսիֆիկացում ըստ ակտիվների դասերի:
- Բաժնետոմսեր եւ պարտատոմսեր․ Ներդրումներ ընկերություններում, որոնք գործում են կրիպտոարժույթների ոլորտում կամ ունեն զգալի քանակությամբ կրիպտոարժույթային ակտիվներ եւ բլոկչեյնի հիմքով կամ կրիպտոարժութային պարտատոմսերի դիտարկում։
- Անշարժ գույք․ Ներդրումներ բլոկչեյնի հիմքով անշարժ գույքի թոքեններում՝ անշարժ գույքի ոլորտի վրա ազդեցություն ունենալու համար։
Ներդրումային մեխանիզմների դիվերսիֆիկացում
- Տարբեր դրամապանակներ եւ հաշիվներ․ Տարբեր թվային դրամապանակների եւ բրոքերային հաշիվների գործածում՝ ուղիղ սեփականությունը և թվային քոյների առքուվաճառքը հեշտացնելու համար, այդ թվում հատուկ թոքենների, ինչպիսիք են NFT-ները և անշարժ գույքի թոքենները։
- Կրիպտոարժույթների IRA-ներ․ Ինքնակարգավորվող IRA-ների ստեղծում՝ թվային ակտիվներում ներդրումների համար։
- Ապակենտրոնացված ֆինանսական (DeFi) պրոդուկտներ․ DeFi հարթակների գործածումը՝ տարբեր ներդրումային հնարավորություններ ստանալու համար, ինչպիսիք են խնայողական հաշիվները, խաղադրույքների համար հարթակները և բլոկչեյնի հիմքով այլ մեխանիզմներ:
Պորտֆոլիոյի հավասարակշռում
- Պորտֆոլիոյի հավասարակշռումը․ Լավ հավասարակշռված պորտֆոլիոն պետք է զգալի չափով բաղկացած լինի խոշոր կապիտալիզացիայով և կայացած նախագծեր, իսկ ավելի փոքր մասը պետք է ուղղված լինի փոքր և միջին կապիտալիզացիայով նախագծերին՝ պոտենցիալ բարձր եկամուտ ստանալու համար:
Կարճ ասած՝ դիվերսիֆիկացված կրիպտոարժութային պորտֆոլիոն իրենից ներկայացնում է կայացած և նորահայտ կրիպտոարժույթների ռազմավարական համադրություն, տարբեր ոլորտներում և ակտիվների դասերում կատարվող ներդրումներով և տարբեր ներդրումային մեխանիզմների գործածումով։ Այս մոտեցումն օգնում է բաշխել ռիսկը, ապահովել աճ շուկայի տարբեր ոլորտներում, և համապատասխանեցնել պորտֆոլիոն երկարաժամկետ ներդրումների նպատակներով:
Լավ դիվերսիֆիկացված կրիպտոարժութային պորտֆոլիոների օրինակներ
Լավ դիվերսիֆիկացված կրիպտոպորտֆոլիոն նպատակ ունի հավասարակշռել ռիսկը՝ առավելագույնի հասցնելով պոտենցիալ վերադարձը շուկայական տարբեր պայմաններում։ Ահա կրիպտոարժութային պորտֆոլիոների մի քանի օրինակներ, որոնք հիմնված են տարբեր ռազմավարությունների և դիտարկումների վրա։
Պահպանողական կրիպտոպորտֆոլիո (80/20 համադրություն)
Բաշխում․ Այս պորտֆոլիոն առաջին հերթին նախատեսված է խոշոր կապիտալիզացիայով թոքենների համար (80%) և ավելի քիչ չափով՝ միջին և փոքր կապիտալիզացիայով թոքենների համար (20%)։
Օրինակ․ Պորտֆելի մեծ մասը կարող է լինել Բիթքոյնով և Եթերիումով, դիվերսիֆիկացումով առաջին մակարդակի այլ խոշոր արձանագրությունների և երկրորդ մակարդակի հեռանկարային արձանագրությունների շրջանում, ինչպիսիք են Near արձանագրությունն ու Ֆասթթոքենը.
Հավասարակշռված կրիպտոպորտֆոլիո (40/30/30 Mix):
Բաշխում․ Այս պորտֆոլիոն թեթևակիորեն շեղված է դեպի խոշոր կապիտալիզացիայով կրիպտոարժույթները, որոնք հավասարակշռված են միջին և փոքր կապիտալիզացիայով թոքենների համադրությամբ։
Օրինակ՝ Բիթքոյնի և Եթերիումի մասնաբաժնի նվազեցում, որպեսզի հնարավոր լինի ներառել թոքեններ այլ խոստումնալից արձանագրություններից, ինչպիսիք են Ֆասթթոքենը և MM.Finance-ը։
Ագրեսիվ կրիպտոպորտֆոլիո (20/40/40 համադրություն)
Բաշխում․ Այս պորտֆոլիոն բաշխված է ավելի շատ միջին և ցածր կրիպտոարժույթների շրջանում, որոշ չափով էլ՝ խոշոր կապիտալիզացիայի թոքեններում, նվազեցնելու համար անկայունությունը։
Օրինակ․ STG-ի (Stargate Finance) նման ավելի ռիսկային ակտիվների և ավելի նոր թոքենի ներառում՝ բարձր սպեկուլյատիվ պոտենցիալով։
Միջին ռիսկայնության կրիպտոպորտֆոլիոյի օրինակ:
Բաշխում՝ $10,000-ի ներդրումի դեպքում 50%-ը պետք է բաշխված լինի խոշոր կապիտալիզացիայով քոյների, 30%-ը՝ միջին կապիտալիզացիայով նախագծերի, և 20%-ը՝ փոքր կապիտալիզացիայով նախագծերի շրջանում։
Օրինակ․ Բիթքոյնը, Եթերիումը, BNB-ն, Cardano-ն, XRP-ն, Solana-ն (խոշոր կապիտալիզացիայով); Dogecoin, Polkadot, Polygon, TRON, Shiba Inu (միջին կապիտալիզացիայով); Pepe, Floki, Enjin Coin, Compound, Waves, Nexo, The Graph (փոքր կապիտալիզացիայով)։
Խոշոր, միջին և փոքր կապիտալիզացիայով կրիպտոարժույթների համադրություն
Կրիպտոարժույթների պորտֆոլիո, որը ներառում է խոշոր, միջին ու փոքր կապիտալիզացիայով թոքենների համադրություն։ Այս ռազմավարությունն օգտագործվում է ռիսկերը և աճի պոտենցիալը հավասարակշռելու համար։ Ներկայացնենք, թե ինչպես են առհասարակ սահմանվում այս կատեգորիաները և դիտարկենք մի քանի օրինակներ, թե ինչպես դրանք կարող են միավորվել պորտֆոլիոյում։
- Խոշոր կապիտալիզացիայով կրիպտոարժույթներ:
Սահմանում․ Սրանք այն քոյներն են, որոնց շուկայական կապիտալիզացումը գերազանցում է $10 միլիարդ USD-ն։ Դրանք սովորաբար ներառում են ամենակայացած կրիպտոարժույթները, ինչպիսիք են Bitcoin, Ethereum, USDT և XRP։ Այս քոյները համարվում են ավելի ապահով ներդրումներ՝ իրենց ցածր անկայունության և ժամանակով ստուգված հեղինակության պատճառով։
Նկարագրություն․ Բարձր լիկվիդայնություն, նվազ անկայունություն և ավելի ցածր ռիսկ՝ համեմատած ավելի փոքր կապիլալիզացիայով պորտֆոլիոյի հետ։ Խոշոր կապիտալիզացիա ունեցող կրիպտոներում կատարվող ներդրումները սովորաբար հանգեցնում են ավելի դանդաղ, ավելի կոնսերվատիվ աճի, բայց ունեն կայունություն և հեշտ իրացվելիություն (լիկվիդայնություն)։ - Միջին կապիտալիզացիայով կրիպտոարժույթներ:
Սահմանում․ միջին կապիտալիզացիայով քոjների և թոքենների կապիտալիզացումը շուկայում տատանվում է $1 միլարդ և $10 միլիարդ USD-ի միջև։ Նման օրինակներից են Chainlink, Cardano, Litecoin, Tezos, Monero։
Նկարագրություն․ Սրանք ավելի անկայուն են և ավելի մեծ ռիսկ են պարունակում, քան խոշոր կապիտալիզացայով կրիպտոարժույթները, բայց դրանց ունեն աճի ավելի բարձր ներուժ։ Հաճախ դրանք դեռ գտնվում են ընդլայնման փուլում և դեռ չեն հասել իրենց ամբողջական ներուժին։. - Փոքր կապիտալիզացիայով կրիպտոարժույթներ:
Սահմանում․ Սրանք քոյներ և թոքեններ են, որոնց կապիտալիզացիան կազմում է $1 միլիարդ USD։ ։ Դրանք ավելի մեծ ռիսկ են պարունակում՝ նոր և չկայացած լինելու և փոքր ծավալների պատճառով։
Նկարագրություն․ Խիստ անկայուն եւ զգայուն շուկայական տրամադրությունների հանդեպ։ Դրանք նվազ լիկվիդային են և ավելի ենթակա են արժեքների տատանումների։
Գործառնական, անվտանգության և կառավարման թոքենների համադրություն
Դիվերսիֆիկացված կրիպտոպորտֆոլիո ստեղծելու մեկ այլ տարբերակ է գործառնական, անվտանգության և կառավարման թոքենների համադրությունը՝ ստեղծելով հավասարակշռված մոտեցում կրիպտոարժույթներում կատարվող ներդրումներին։ Ներկայացնում ենք թոքենների յուրաքանչյուր տեսակի և դիվերսիֆիկացման ռազմավարությունների մանրակրկիտ նկարագրությունը։
Կառավարման թոքեններ
- Սահմանում․ Կառավարման թոքեններն իրենցից ներկայացնում են սեփականության իրավունք ապակենտրոնացված համակարգի մեջ, ինչը հնարավորություն է տալիս սեփականատերերին ազդել որոշումների և արձանագրության ուղղության վրա։ Դրանք հիմնականում գործածվում են Ապակենտրոնացված ինքնավար կազմակերպություններում (DAOs) և թոքեններ ունեցողներին հնարավորություն են տալիս քվեարկել այն առաջարկների օգտին, որոնք վերաբերում են նախագծի մշակմանը, բյուջեի բաշխումներին, գործընկերությունների մասին որոշումներին և այլն։
- Առավելություններ․ Դրանք խթանում են ավելի ժողովրդավարական գործընթացներ, ավելի բարձր անվտանգություն և թափանցիկություն, բոլոր բաժնետերերին հնարավորություն տալով ձայնի իրավունք ունենալ նախագծի ապագային վերաբերող հարցերում։
- Ինչպես են դրանք աշխատում․ DAO-ում որոշումները կայացվում են կառավարման գործընթացի միջոցով, քվեների միջոցով ներառելով համայնքին, ընդ որում յուրաքանչյուր քվեի կշիիռը համաչափ է ունեցած թոքենների քանակին։
Գործառնական թոքեններ
- Սահմանում․ գործառնական թոքենները սեփականատերերին տալիս են հասանելիություն ծառայություններին կամ առավելություններ բլոկչեյնի էկոհամակարգում, օրինակ զեղչեր կամ հատուկ ծառայություններից օգտվելու իրավունք։ Դրանք ընկերությունների սեփականության բաժնետոմսեր չեն և ավելի շատ նման են թվային կտրոնների։
- Դեր․ գործառնական թոքենները կարող են գործածվել տարբեր նպատակներով, օրինակ էկոհամակարգի ներսում որևէ գործողություններ խթանելու համար՝ ապահովելով ապակենտրոնացված պահոց և գործելով որպես արժույթ բլոկչեյնի շրջանակում։ Դրանք նաև բարելավում են հաճախորդների փորձառությունը՝ առաջարկելով պարգևատրություններ։
- Մարտահրավերներ․ գործառնական թոքենները բախվում են կանոնադրական, տեխնոլոգիական և շուկայական մարտահրավերների, ներառյալ գործարքների բարձր միջնորդավճարները և գների անկայունությունը։
Անվտանգության թոքեններ
- Սահմանում․ Անվտանգության թոքենները թվային ակտիվներ են, որոնց արժեքը ածանցվում է արտաքին, առքուվաճառքի ենթակա աղբյուրից և կանոնակարգվում են արժեթղթերի վերաբերյալ դաշնային օրենսդրությամբ։
- Ինչպես են դրանք աշխատում․ Այս թոքեններն իրենցից ներկայացնում են սեփականության իրավունք բիզնեսում եւ հաճախ են գործածվում դրամահավաքների ժամանակ։ Դրանք պետք է համապատասխանեն այնպիսի կանոնակարգերին, ինչպիսիք են ՃՔՀ-ն (Ճանաչիր քո հաճախորդին) և փողերի լվացման դեմ պայքարի վերաբերյալ օրենքները։
- Կարգավորում․ Չնայած անվտանգության թոքենների կանոնակարգումը հիմնված է բլոկչեյն տեխնոլոգիայի վրա՝ բայցևայնպես դրանք լինում են տարբեր, իսկ իշխանությունները փորձում են մշակել ավելի հստակ դասակարգումներ և ուղեցույցներ։
Որքան դիվերսիֆիկացված պետք է լինի Ձեր կրիպտոպորտֆոլիոն
Երբ ծանոթանաք պորտֆոլիո ստեղծելու բոլոր տարբերակներին, Դուք հավանաբար կսկսեք մտածել այն մասին, թե “դիվերսիֆիկացիայի” որ մակարդակն է բավական։ Այդ նպատակով մենք ստեղծել ենք աղյուսակ, որտեղ ներկայացված են կրիպտոպորտֆոլիոյում դիվերսիֆիկացման տարբեր մակարդակներ, ինչպես նաև դրանց բնորոշ ռիսկերի մակարդակները, առավելությունները և այլ դիտարկումներ։
Դիվերսիֆիկացման ռազմավարություն | Օրինակ Բաշխում | Ռիսկի մակարդակ | Առավելություններ | Դիտարկումներ |
---|---|---|---|---|
Բարձր դիվերսիֆիկացում | 50% Ethereum, 25% Polygon, 10% Aave, 5% MakerDAO, 5% Curve, 5% Uniswap | Ավելի ցածր ռիսկ, ավելի ցածր անկայունություն | Բաշխում է ռիսկը բազմաթիվ ակտիվների միջև, նվազեցնելով ակտիվներից որևէ մեկի ազդեցության չափը։ | Պահանջում է ավելի ակտիվ կառավարում և վերաբալանսավորում |
Չափավոր դիվերսիֆիկացում | 40% Bitcoin, 30% Ethereum, 30% Altcoins (շուկայական կապիտալիզացում > $10B) | Չափավոր ռիսկ, չափավոր անկայունություն | Հավասարակշռում է հիմնական կրիպտոների կայունությունը՝ ալթքոյների աճի ներուժով | Հավասարակշռված մոտեցում, որը հարմար է բազմաթիվ ներդրողների համար |
Ցածր դիվերսիֆիկացում | 60-80% հիմնական կրիպտոարժույթներով (օր՝․ Bitcoin, Ethereum), մնացածը՝ ալթքոյներով | Ավելի բարձր ռիսկ, Ավելի բարձր անկայունություն | Ավելի բարձր վերադարձի հավանականություն, բայց շուկայական տատանումների հանդեպ խոցելիության ավելի բարձր մակարդակ | Չափազանց մեծ կախվածություն մի քանի ակտիվների արդյունավետությունից |
Կարեւոր նկատառումներ:
- Բարձր դիվերսիֆիկացում․ Ներառում է ներդրումներիբաշխումը ակտիվների լայն շրջանակում։ Այս մոտեցումը նվազեցնում է ռիսկն ու անկայունությունը, սակայն պահանջում է ավելի ակտիվ կառավարում:
- Չափավոր դիվերսիֆիկացում․ հիմնական կրիպտոարժեքների, օրինակ Bitcoin-ի և Ethereum-ի կայունությունը հավասարակշռում է չափելի ալթքոյների աճի ներուժով։ Բազմաթիվ ներդրողների համար հաճախ նպատակահարմար է այս ռազմավարությունը։
- Ցածր դիվերսիֆիկացում․ մեծամասամբ կենտրոնանում է հիմնական կրիպտոարժույթների վրա, ինչը կարող է հանգեցնել ավելի բարձր վերադարձների, բայց նաև մեծացնում է զգայունությունը շուկայի տատանումների և ռիսկերի հանդեպ։
Պորտֆոլիոյի վերաբալանսավորում
Կարևոր է կանոնավոր կերպով վերանայել և հարմարեցնել Ձեր պորտֆոլիոն՝ դիվերսիֆիկացման ցանկալի մակարդակ պահպանելու համար։ Սա օգնում է ադապտացվել շուկայի փոփոխություններին, համապատասխանեցնել այն Ձեր ներդրումային նպատակներին և ռիսկերը կլանելու ունակությանը։
Կրիպտոարժութային ներդրումների դիվերսիֆիկացման առանցքային ռազմավարություններ
Ստորև ներկայացված են այն չորս առանցքային ռազմավարությունները, որոնք պետք է հաշվի առնել Ձեր կրիպտոպորտֆոլիոն մշակելիս։
Կատարեք ներդրումներ կրիպտոարժույթների տարբեր տեսակներում
- Կրիպտոարժույթների դիվերսիֆիկացում․ Ընդլայնելով Ձեր պորտֆոլիոն և ներառելով տարբեր տեսակի թոքեններ, ինչպիսիք են սթեյբլքոյները, գործառնական թոքենները, կառավարման թոքենները և այլն, Դուք կնպաստեք դիվերսիֆիկացման մակարդակի բարձրացմանը։ Սա ներառում է նաև ներդրումներ տարբեր բլոկչեյն արձանագրություններում և աջակցություն տարբեր DeFi արձանագրություններին։
- Առավելություններ․ Այս մոտեցումն օգնում է նվազեցնել զգայունությունը մեկ առանձին ակտիվի հետ կապակցված ռիսկերի կամ շուկայական ռիսկերի հանդեպ, հավասարակշռելով պորտֆոլիոն շուկայի անկայունության պայմաններում։
- Օրինակներ․ Եթե Ձեր պորտֆոլիոն ծանրաբեռնված է խոշոր կապիտալիզացիա ունեցող կրիպտոարժույթներով, ինչպիսին է Բիթքոյնը, դիտարկեք փոքր կապիտալիզացիայով նորահայտ կրիպտոարժույթների ավելացումը։ Եւ հակառակը, եթե այն ավելի հագեցած է փոքր կրիպոարժույթներով, ավելացնելով խոշոր կապիտալիզացիայով կայացած թոքեններ՝ Դուք կնպաստեք պորտֆոլիոյի կայունությանը։
Կատարեք ներդրումներ տարբեր կապիտալիզացիա ունեցող կրիպտոարժույթներում
- Շուկայի դիվերսիֆիկացում ըստ կապիտալիզացիայի (MCBD)․ Այս ռազմավարությունը նախատեսում է ներդրումներ կրիպտոարժույթներում՝ դրանց շուկայական կապիտալիզացման հիման վրա։ Ավելի խոշոր շուկայական կապիտալիզացիա սովորաբար ունենում են ավելի կայացած և կայուն կրիպտոարժույթները, մինչդեռ ավելի փոքր շուկայական կապիտալիզացիա ունեցող կրիպտոարժույթներն ունենում են աճի բարձր ներուժ, բայց նաև՝ ավելի բարձր ռիսկայնություն։
- Հավասարակշռված պորտֆոլիոյի օրինակներ․
-
- Խոշոր կապիտալիզացիայով կրիպտոարժույթներ․ Bitcoin (BTC), Ethereum (ETH), Binance Coin (BNB)
- Միջին կապիտալիզացիայով կրիպտոարժույթներ, Cardano (ADA), Ripple (XRP), Dogecoin (DOGE), Chainlink (LINK), Solana (SOL)
- Փոքր կապիտալիզացիայով կրիպտոարժույթներ․ Fasttoken (FTN), Chiliz (CHZ), Holo (HOT), Helium (HNT).
- Խոշոր կապիտալիզացիայով կրիպտոարժույթներ․ Bitcoin (BTC), Ethereum (ETH), Binance Coin (BNB)
Կատարեք ներդրումներ տարբեր ոլորտներում և բնագավառներում
- Դիվերսիֆիկացում ըստ ոլորտների․ Դիվերսիֆիկացրեք Ձեր պորտֆոլիոն՝ կատարելով ներդրումներ կրիպտոարժույթներում, որոնք ներկայացնում են կրիպտո տնտեսության տարբեր ոլորտներ, ինչպիսիք են խաղային ոլորտը, ֆայլերի պահոցները, միջավայրի պաշտպանությունը եւ ֆինանսները։
- Առավելություններ․ Այս մեթոդը հնարավորություն է տալիս օգտվել տարբեր միտումներից և կրիպտոտնտեսության զարգացումներից՝ ստեղծելով լավ հավասարակշռված պորտֆոլիո, որը դիմակայուն է շուկայի փոփոխությունների հանդեպ։
- Օրինակներ․ Դիվերսիֆիկացված պորտֆոլիոն կարող է ներառել թոքեններ DeFi ոլորտից (ինչպիսիք են Aave-ն և Compound-ը), NFT ոլորտից (օրինակ՝ Enjin Coin), և խաղային ոլորտից (օրինակ՝ Decentraland's MANA):
Օգտվեք դոլարային արժեքի միջինացումից
- Սահմանումը եւ գործընթացը․ Դոլարի արժեքի միջինացումը (DCA) նախատեսում է ֆիքսված գումարի ներդրումներ կանոնավոր պարբեականությամբ, անկախ շուկայական գնից։ Սա կարող է ենթադրել ամենամսյա, ամենշաբաթյա կամ նույնիսկ ամենօրյա ներդրումներ։
- Առավելություններ․ DCA-ն օգնում է գնումի արժեքի միջինացմանը ժամանակի ընթացքում, ինչը հանգեցնում է ավելի բարձր վերադարձի՝ մեկանգամյա ներդրումների համեմատ։ Այս ռազմավարությունը հատկապես շահավետ է անկայուն շուկաներում, ինչպիսիք են կրիպտոարժույթները։
- Ավտոմատացված հարթակներ․ Բազմաթիվ ժամանակակից ներդրումային հարթակներ առաջարկում են ավտոմատացված DCA ծառայություններ, ինչը ներդրողների համար հեշտացնում է այս ռազմավարության որդեգրումը՝ շրջանցելով շուկա մտնելու համապատասխան ժամանակ ընտրելու հետ կապված սթրեսները։
![Exchange banner mobile Exchange banner mobile](https://www.fastex.com/fs/userFiles-v2/fastex-18748580/images/8253-exchange-banner-mob-17047028940338.webp)
Դիվերսիֆիկացված կրիպտոպորտֆոլիոյի օրինակ
Որպեսզի ավելի լավ հասկանաք, թե որքանով դիվերսիֆիկացված կարող է լինել Ձեր պորտֆոլիոն, եկեք ավելի մանրամասն դիտարկենք պորտֆոլիոյի հետևյալ օրինակը և տրոհենք այն՝ հասկանալու համար յուրաքանչյուր կրիպտոարժույթի դերը տվյալ աղյուսակում.
Bitcoin (BTC): 25%
Ethereum (ETH): 17%
Fasttoken (FTN): 15%
Solana (SOL): 10%
Cardano (ADA): 8%
Avalanche (AVAX): 5%
Cosmos (ATOM): 5%
Polkadot (DOT): 5%
Chainlink (LINK): 5%
Uniswap (UNI): 5%
- Bitcoin (BTC) - 25%․ Շուկայական միտումներին համապատասխան՝ նախապատվությունը տրվում է բարձրորակ, կայացած կրիպտոարժույթներին։ Bitcoin-ի գերակա դիրքը շուկայում և հարաբերական կայունությունը այն դարձնում են այս պորտֆոլիոյի անկյունաքարը։
- Ethereum (ETH) - 17%․ Ethereum-ի շարունակական առաջատարությունը սմարթ պայմանագրի ոլորտում և պոտենցիալ աճը Merge-ի թարմացումից հետո ամրացնում և ուժեղացնում են դրա դիրքերը։ Սա նույնպես համապատասխանում է ներկայիս շուկայում որակյալ ակտիվներին նախապատվություն տալու միտումին։
- Fasttoken (FTN) - 15%․ Ներդրումը FTN-ում, միջին կապիտալիզացիա ունեցող ակտիվում, պարունակում է աճի ավելի մեծ նեուժ, բայց նաև՝ ավելի մեծ ռիսկ։ Այս ակտիվի մասնաբաժինը աղյուսակում պատասխանատու է նորահայտ կամ նվազ կայացած նախագծերով պորտֆոլիոն դիվերսիֆիկացնելու ռազմավարության համար՝ պահովելով ավելի մեծ եկամուտների հնարավորություն։
- Solana (SOL), Cardano (ADA), Avalanche (AVAX), Cosmos (ATOM), Polkadot (DOT) - ընդամենը՝ 33%․ այլընտրանքային տարբեր բլոկչեյն նախագծերում արված այս ներդրումներն ընդգրկում են բազմաթիվ խորշեր և տեխնոլոգիաներ՝ մասշտաբայնության լուծումներից մինչև փոխգործունակություն, ընդլայնելով դիվերսիֆիկացումը։ Այս մոտեցումը համապատասխանում է տարբեր կրիպտոարժութային խորշերի հաշվին պորտֆոլիոյի դիվերսիֆիկացման ռազմավարությանը։
- Chainlink (LINK), Uniswap (UNI) - ընդամենը՝ 10%․ այս թոքեններում կատարված ներդրումները հասանելի են դարձնում DeFi առանցքային բաղադրիչները և Oracle ծառայությունները։ Հաշվի առնելով DeFi ակնկալվող աճը և օրակուլների կաևորությունը սմարթ պայմանագրերի համար, այս բաշխումները կարող են եկամուտներ ստանալ որոշակի ոլորտների զարգացումից, կիսելով համապատասխան ռիսկերը։
Սա լավ դիվերսիֆիկացված պորտֆոլիոյի օրինակ է, որը հավասարակշռված է տարբեր ոլորտներում խոշոր կապիտալիզացիա ունեցող կայուն ակտիվներով, ինչպես նաև միջին և փոքր կապիտալիզացիա ունեցող կայուն ակտիվներով։ Այն համապատասխանում է որակը, կայացած ակտիվները, բարձր ռիսկերով և բարձր ներուժով թոքենները համադրելու ռազմավարությանը։
Շուկայական և օրենսդրական փոփոխություններին ի պատասխան՝ պորտֆոլիոյի կանոնավոր գնահատումը և վերաբալանսավորումը կարևոր նշանակություն ունեն դրա արդիականությունն ու արդյունավետությունը պահպանելու համար։ Պորտֆոլիոն բավականաչափ հավասարակշռում է ռիսկերն ու հնարավորությունները և կշռադատված մոտեցում դրսևորում 2023թ․ կրիպտոարժութային շուկային։
Ամփոփում
Կրիպտոարժութային պորտֆոլիոյի դիվերսիֆիկացումը վճռորոշ նշանակություն ունի կրիպտոարժույթների անկայուն և դինամիկ շուկայի պայմաններում։ Ընդգրկելով խոշոր, միջին և փոքր կապիտալով կրիպտոարժույթների, ինչպես նաև գործառնական, անվտանգության և կառավարման թոքենների համադրություն՝ Դուք կարող եք բաշխել ռիսկերը և մեծացնել հավասարակշռված աճի ներուժը:
Հիշե՛ք, լավ դիվերսիֆիկացված պորտֆոլիոն պետք է համապատասխանի Ձեր ֆինանսական նպատակներին, ռիսկերի հանդեպ դիմադրողունակությանը և շուկայի միտումներին։ Դա ենթադրում է շարունակական գնահատում և վերաբալանսավորում՝ շուկայի փոփոխություններին ադապտացվելու համար։ Անկախ նրանից՝ Դուք կընտրեք պահպանողական, հավասարակշռված, ագրեսիվ մոտեցում, թե ռիսկի միջին մակարդակով մոտեցում, կարևոր է այնպես համադրել պորտֆոլիոն, որ այն ապահովի աճ շուկայի տարբեր ոլորտներում, միաժամանակ նվազեցնելով ռիսկերը։
ՀՏՀ
Ի՞նչ ռիսկեր է պարունակում իմ կրիպտոպորտֆոլիոն չդիվերսիֆիկացնելը։
Կրիպտոպորտֆոլիոն չդիվերսիֆիկացնելը մեծացնում է զգալի կորուստների ռիսկը՝ շուկայի անկայունության, շուկայական տեղաշարժերի, առանձին ակտիվների հնարավոր ձախողման և ներդրումների ավելի լայն միջակայքից եկամուտներ ստանալու հնարավորությունը բաց թողնելու պատճառով։
Որքա՞ն հաճախ պետք է ես վերաբալանսավորեմ իմ դիվերսիֆիկացված կրիպտոպորտֆոլիոն։
Հաճախակի (օրինակ՝ ամենօրյա) վերաբալանսավորումները կարող են ապահովել ավելի լավ արդյունքներ, բայց դրանք պահանջում են ավելի մեծ ջանքեր և շուկայի ավելի զգոն մշտադիտարկում։ Շաբաթական կամ ամսական վերաբալանսավորումները ապահովում են ավելի կառավարելի մոտեցում, բայց կարող են չանդրադարձնել շուկայի բոլոր տեղաշարժերը։ Ընտրությունը կախված է Ձեր ներդրումային ռազմավարությունից, ռիսկերի հանդեպ դիմադրողունակությունից և այն ժամանակից, որը Դուք կկարողանաք հատկացնել Ձեր պորտֆոլիոյի կառավարմանը։
Որո՞նք են ամենատարածված սխալները կրիպտոպորտֆոլիոյի դիվերսիֆիկացման ժամանակ։
Բազմաթիվ ներդրողների չի հաջողվում համարժեք կերպով դիվերսիֆիկացնել իրենց պորտֆոլիոն, քանի որ նրանք հաճախ անտեսում են ռիսկերի կառավարումը և ֆունդամենտալ վերլուծությունը։ Նրանք հաճախ են կայացնում որոշումներ էմոցիաների և ցանկությունների հիման վրա, աչքաթող են անում անվտանգության կարևոր միջոցառումները և սխալմամբ նմանեցնում են կրիպտոարժույթները արժեթղթերի շուկայի բաժնետոմսերին։ Տարածված սխալներից են նաև չափազանց մեծ ծավալների առևտուրը և մանրակրկիտ հետազոտության պակասը, հատկապես տեխնոլոգիաների և ավելի էժան քոյների արժեքի իրական ներուժի վերաբերյալ։
Ինչպե՞ս կարող եմ դիվերսիֆիկացնել իմ կրիպտոպորտֆոլիոն առանց տարբեր կրիպտոարժույթներում ներդրումներ կատարելու։
Ձեր կրիպտոպորտֆոլիոն արդյունավետ կառավարելու համար դիտարկեք նվազագույնը 4–8 կրիպտոարժույթների ներառումը։ Նման մոտեցման դեպքում Դուք կկարողանաք գնահատել ռիսկերը և համապատասխանեցնել պորտֆոլիոն Ձեր ներդրումային նպատակներին։
Ինչո՞ւ է կարևոր կրիպտոպորտֆոլիոն դիվերսիֆիկացնելը։
Կրիպտոպորտֆոլիոն դիվերսիֆիկացնելը շատ կարևոր է ռիսկերի կառավարման համար, քանի որ նվազեցնում է անկայունության ազդեցությունը և ապահովում ավելի բարձր եկամուտներ։ Այն բաշխում է ռիսկերը, նվազեցնում է անկայունության ազդեցությունը և համադրում է ներդրումային ռազմավարությունները, նպաստելով շուկայի իրադարձություններին ճիշտ արձագանքելու՝ Ձեր ունակությանը։ Եթե ուզում եք լավ մշակված մոտեցում ունենալ՝ կատարեք ներդրումներ տարբեր կրիպտոարժույթներում, որոնք ունեն տարբեր բնութագրեր և աճի տարբեր ներուժներ։
Հրաժարում պատասխանատվությունից, Ներառում է երրորդ կողմերի տեսակետները։ Չի հանդիսանում է ֆինանսական խորհուրդ։